Meizu MX6

ARM Mali-T880 graphid chip ကိုထည့်သွင်းပေးထားတာကြောင့် Game ဆော့သူများအတွက်အကြိုက်တွေ့စေမဲ့ ဖုန်းအမျိူးအစားလည်းဖြစ်ပါတယ်။ MX6 ရဲ့ မျက်နှာပြင်အကျယ်ကတော့ 5.5လက်မရှိပြီး Resolution အနေနဲ့တော့1080 x 1920 pixels (~403 ppi pixel density) (Full HD) Quality ကိုခံစားရရှိနိုင်မှာဖြစ်ပါတယ်။ Android Version အနေနဲ့ Android OS, v6.0 (Marshmallow) ကို Meizu ရဲ့ ကိုယ်ပိုင် OS တစ်ခုဖြစ်တဲ့ Flyme OS 5 နဲ့ပေါင်းစပ်ဖွဲ့စည်းထားတာဖြစ်တဲ့အတွက် အသုံးပြုရတဲ့ UI ပိုင်းက ရိုးရှင်းလှပနေမှာပဲဖြစ်ပါတယ်။မကြာခင်မှာပဲ OS 6 ပေးတော့မယ်လို့ တရုတ်အခြေစိုက် နည်းပညာ site များမှာဖော်ပြထားပါတယ်။ လုံခြုံရေးစနစ်အနေနဲ့လျှင်မြန်ကောင်းမွန်တဲ့ Finger Print စနစ်ကို Meizu ရဲ့ထုံးစံအတိုင်း m touch နည်းပညာဖြင့် Home keyမှာ ပေါင်းစပ်ဖွဲစည်းထားပါတယ်။ Camera ပိုင်းမှာတော့ Back Camera အနေနဲ့ 12Megapixel ရှိပြီး Sony နဲ့ ပူးပေါင်းတီထွင်ထားတဲ့ Exmor RSIMX 386 Sensor ကိုပထမဦးဆုံး ထည့်သွင်းအသုံးပြုထားတဲ့ဖုန်းလို့ ဖော်ပြထားပါတယ်။ Sensor နှင့်ကိုက်ညီစွာ အသုံးပြုနိုင်ရန်အတွက် 12 Megapixel ကိုအသုံးပြုထားတာလို့ဖော်ပြထားတဲ့အတွက် အခြားဖုန်းတွေမှာ 13 or 16MP ပါဝင်နေလည်းစိုးရိမ်စရာမလိုကြောင်းထပ်လောင်းပြောထားပါသေးတယ်။ပုံရိပ်မှတ်သားမှုအပိုင်းမှာ ပိုမိုမြန်ဆန်ပြီး Samsung S7 EDGE ရဲ့ Camera နဲ့တောင် ယှဉ်နိုင်တယ်လို့လည်းဆိုထားပါတယ်။

  Self-camera အနေနဲ့ကတော့ 5MP ပါရှိပါတယ်။ ထူးခြားချက်တစ်ခုအနေနဲ့တော့ USB Type C ကိုထည့်သွင်းအသုံးပြုပေးထားတဲ့အတွက်Data အကူးအပြောင်းအတော်လေးမြန်ဆန်မှာဖြစ်ပါတယ်။ Charging အနေနဲ့လည်း m Charge3.0 ကိုအသုံးပြုပေးထားတဲ့အတွက် နာရီဝက်အတွင်းမှာ0% ကနေ 60% လောက်အထိ အမြန်ဆုံးသွင်းပေးနိုင်မှာဖြစ်တဲ့အပြင် နည်းပညာမြင့် m Charge စနစ်ကြောင့်လည်း Battery သက်တမ်းကြာရှည်စွာအသုံးပြုနိုင်ဦးမှာဖြစ်ပါတယ်။Battery mAh ပမာဏကတော့ 3060 mAh ရှိပြီး Li-Ion အမျိုးအစားကို အသေတပ်ဆင်ထားတာပဲဖြစ်ပါတယ်။ Design ပိုင်းအနေနဲ့တော့ အရင် MX 5 ထပ် ပိုမိုပါးလွှာသေသပ်ပြီး iPhone နဲ့ခပ်ဆင်ဆင်တူပါတယ်။သတ္တုနဲ့ဖွဲ့စည်းတည်ဆောက်ထားတဲ့အတွက် ကိုင်ကြည့်တဲ့အခါမှာ စီးစီးပိုင်ပိုင်လေးနဲ့အတော်လေး Smart ကျစေတဲ့ ဖုန်းတစ်လုံးလို့ပြောရမှာပဲဖြစ်ပါတယ်။ အရောင်အနေနဲ့ကတော့ Gray, Silver, Champagne Gold, Rose Gold အရောင်များရရှိနိုင်မှာဖြစ်ပြီး ဈေနှုန်းအနေနဲ့ကတော့ သုံးသိန်းခွဲကနေ လေးသိန်းအထိ ရှိနိုင်ပါတယ်။