Tin Ko Latt

Tin Ko Latt

နှစ်ပေါင်း ၂၀၀အတွင်း ကမ္ဘာကြီးပြိုလဲသွားနိုင်ဟု စတီဖင်ဟော့ကင်းနမိတ် နဲ့ ကမ္ဘာကြီးရဲ့ အဆုံးသတ်ဖြစ်စဉ်များ

  • Published in News
နှစ်ပေါင်း ၂၀၀အတွင်း ကမ္ဘာကြီးပြိုလဲသွားနိုင်ဟု စတီဖင်ဟော့ကင်းနမိတ် နဲ့ ကမ္ဘာကြီးရဲ့ အဆုံးသတ်ဖြစ်စဉ်များ

အိုင်းစတိုင်းပြီးရင် စတီဖင်ဟော့ကင်းက သူ့ရဲ့ရူပဗေဒနဲ့ စကြဝဠာအကြောင်းတွေနဲ့ နာမည်ကြီးလူသိများသူတစ်ယောက် ဖြစ်ပါတယ်။ အသက်၈နှစ်အရွယ်မှာ စာဖတ်ဖို့သင်ယူခဲ့ပြီးတော့ တက္ကသိုလ်မှာလည်း အတော်လေးပျင်းရိသူတစ်ယောက် ဖြစ်ပါတယ်။ အသက်၂၁အရွယ်မှာတော့ သူ့ရဲ့နာမကျန်းမှုကနေ ကမ္ဘာကြီးကိုရှုမြင်ပုံ ပြောင်းလဲခဲ့တယ်။ စကြဝဠာလေ့လာမှုနယ်ပယ်ကို ၀င်ရောက်နိုင်ခဲ့တယ်။ သူ့ရဲ့ပြောင်မြောက်တဲ့သီအိုရီတွေထဲမှာ ကျွန်တော်တို့ရဲ့စကြဝဠာကြီးဘယ်လိုအလုပ်လုပ်သလဲဆိုတာကို ရှင်းပြထားတာတွေ ပါ၀င်ပါတယ်။ ကမ္ဘာမြေနဲ့ လူသားတွေအပေါ် သူ့ရဲ့အမြင်ကို လေ့လာကြည့်လိုက်ရအောင်။
ဟော့ကင်းရဲ့ ကျွန်တော်တို့ကမ္ဘာကြီး ဘယ်အချိန်မှာ ဘယ်လိုအဆုံးသတ်မလဲဆိုတဲ့အကြောင်းတွေကိို စုစည်းတင်ပြပေးထားလိုက်ပါတယ်။
 
၁။ ကမ္ဘာကြီးက မီးလုံးကြီးဖြစ်သွားနိုင်
ဟော့ကင်းရဲ့ပြောကြားချက်အရ ကျွန်တော်တို့ကမ္ဘာကြိးဟာ နှစ်ပေါင်း၆၀၀ အတွင်းမှာပဲ မီးလုံးကြီးဖြစ်မှာပါ။ အဲဒီအချိန်မှာ ကျွန်တော်တို့ရဲ့စွမ်းအင်သုံးစွဲသူမှတွေက ကမ္ဘာကြီးကို လောင်ကျွမ်းစေပြီး လူသားအားလုံးကို ပပျောက်သွားစေမှာပါ။
ကမ္ဘာကြီးပူလောင်မှုဟာ Venus လိုမျိုးဖြစ်လာနိုင်တဲ့အထိ ဆိုးရွားမယ်လို့ ပြောထားပါတယ်။ Venus ရဲ့ အပူချိန်ကတော့ 250 degrees Celsius ဖြစ်ပြီးတော့ ဆာလဖျူရစ်အက်ဆစ်မိုးတွေ မကြာခဏ ရွာလေ့ရှိပါတယ်။ လေတိုက်ပြီဆိုရင်လည်း တစ်စက္ကန့်ကို ၁၀၀ မီတာနှုန်းနဲ့ပါ။
“ရာသီဥတုပြောင်းလဲမှုက ကျွန်တော်တို့ရင်ဆိုင်ရမယ့် အကြီးမားဆုံးသောအန္တရာယ်ဖြစ်ပါတယ်။ ပြီးတော့ ကျွန်တော်တို့အခုချက်ချင်း ကာကွယ်ရမယ်အရာလည်း ဖြစ်ပါတယ်။”
 
၂။ ကျွန်တော်တို့အသက်ရှင်ဖို့အတွက် အခြားဂြိုလ်တစ်လုံးလိုအပ်နေ
ဟော့ကင်းပြောပုံအရ ကျွန်တော်တို့နေထိုင်ဖို့အတွက် နောက်ထပ်ဂြိုလ်ကို နှစ််၁၀၀ အတွင်းမှာ ရှာရမှာပါ။ ပြန်လာလို့မရတော့လောက်အောင်ကို ပျက်စီးသွားမှာဖြစ်လို့ပါပဲ။ ကျွန်တော်တို့ကိုယ်ကျွန်တော်တို့ လူဦးရေကြီးထွားခြင်းတွေ၊ ညစ်ညမ်းမှုတွေ၊ တောပြုန်းခြင်းတွေ၊ ရောဂါဘယတွေရန်ကနေ ကာကွယ်ဖို့အတွက် ကျွန်တော်တို့မှာ ဂေဟစနစ်ကြွယ်ဝတဲ့ ကမ္ဘာသစ်တွေကို ရှာဖွေရမယ်။
ဖြစ်နို်င်ချေရှိတဲ့ဂြိုလ်တွေကို ကြည့်လိုက်ရအောင်။
ကမ္ဘာမြေရဲ့သဘာဝဂြိုလ်တုဖြစ်တဲ့ Moon ကတော့ လေထုမရှိပါဘူး။ ကျွန်တော်တို့နဲ့အနီးဆုံးဆိုတော့ သဘာဝသယံဇာတတွေ နစ်မြှုပ်နေလေမလား။ ရှေးခေတ်မီးတောင်ဟောင်းလေးတွေရှိနေတော့ လူသားကိုလိုနီတွေအတွက် အဆင်ပြေနိုင်မလားပဲ။
Mars မှာတော့ အဆိပ်မြေဆီလွှာ၊ အရိုးကွဲအောင်အေးမယ့်ရာသီဥတု၊ အသက်မရှုနိုင်တဲ့လေထုတွေက နေရာကောင်းတစ်ခုမဟုတ်ဘူး။ ဒါပေမယ့် သေချာပြင်ဆင်ထားတဲ့ အခြေစိုက်စခန်းတွေလုပ်မယ်ဆိုရင်တော့ အာကာသနယ်ချဲ့ခြင်းပထမအဆင့်ကို လုပ်လို့ရနိုင်တယ်။
Ceres ကတော့ Mars နဲ့ Jupiter ကြားမှာရှိနေပါတယ်။ ဂြိုလ်ခါးပတ်ပေါ်မှာရှိနေတာပါ။ လူသားတွေအတွက် ကောင်းမွန်တဲ့အချက်ကတော့ ရေ ၂၅% ရှိနေပါတယ်။ ဒါပေမယ့် လေထုမရှိတာမို့ ရာသီဥတုပြောင်းလဲမှုတွေ၊ ကောင်းကင်အရောင်တွေတော့ မြင်နိုင်၊ ခံစားနိုင်မှာ မဟုတ်ပါဘူး။
Jupiter ရဲ့ လေးခုမြောက်အကြီးဆုံး Europa ကတော့ သမုဒ္ဒရာတွေရှိပါတယ်။ တစ်ဖက်မှာလည်း လူသားတွေနေလို့မရတဲ့ ရောင်ခြည်မိုးတွေ ရွာနေပြီးတော့ ရာသီဥတုအရမ်းဆိုးရွားပါတယ်။
Saturn ရဲ့ အကြီးဆုံး Titan ကတော့ လူသားတွေအတွက် နေရာတစ်ခုဖြစ်နိုင်ပါတယ်။ နေဖို့အတွက်အားသာချက်ကတော့ လေထုရှိတာမို့ ရောင်ခြည်တွေရန်ကနေ ကာကွယ်ပေးနိုင်ပါတယ်။
ကမ္ဘာမြေရဲ့ညီကိုဝမ်းကွဲလို့ပြောရမယ့် Kepler-452b ကတော့ နေလိုကြယ်ကို ပတ်နေပြီးတော့ ကျွန်တော်တို့နဲ့ အလင်းနှစ် ၁၄၀၀ ဝေးပါတယ်။ ကျွန်တော်တို့နဲ့ အတော်လေးဆင်တူပါတယ်။ မျက်နှာပြင်ပေါ်မှာ ရေပြင်ရှိနိုင်ပါတယ်။ ဒါပေမယ့် တိမ်ထူထူတွေနဲ့ ကာကွယ်ထားလေ့ရှိပါတယ်။ ဖြစ်နိုင်တာက မီးတောင်ပေါက်ကွဲမှုတွေ ရှိနေမလား။

၃။ နျူကလီးယားလက်နက်တွေက လူသားဦးရေကို ပျက်သုဉ်းစေနို်င်
ဟော့ကင်းရဲ့အယူအဆအရ လူသားမျိုးနွယ်တွေရဲ့ ရန်လိုတတ်တဲ့အမူအရာတွေက ဆိုးရွားလွန်းတယ်လို့ တွက်ချက်ခဲ့တယ်။ ဒီနေ့ခေတ်မှာ အပစ်အခတ်ရပ်စဲရေးတွေ ကြိုးစားနေပေမယ့်လည်း အောင်မြင်မှုရာခိုင်နှှုန်းက နည်းပါးပါတယ်။ စစ်တပ်သုံးနည်းပညာတွေကလည်း တစ်နေ့ထက်တစ်နေ့ တိုးတက်လာနေတယ်။ လက်နက်တွေတည်ဆောက်ခြင်းကလည်း ဒုနဲ့ဒေး ဖြစ်လာတယ်။ ဒီလိုဖြစ်ရပ်တွေက ကျွန်တော်တို့ကမ္ဘာကို ပျက်သုဉ်းစေမယ့်အလားအလာပါပဲ။

၄။ စက်ရုပ်တွေကို လူသားနေရာတွေမှာ အစားထိုးလာမယ်
ဟော့ကင်းတောင်မှ artificial intelligence ကို မှီခိုနေရပေမယ့်လည်း သူကမယုံကြည်ပါဘူး။ သူကပြောဖူးတယ်။ “ကျွန်တော်တို့လူ့သမိုင်းမှာ အဆိုးရွားဆုံးသော ဖန်တီးမှုကြီး”တဲ့လေ။ နောက်ဆိုရင် လူသားတွေနေရာကို အစားထိုးယူသွားမှာ။
AI ဟာ လက်ရှိမှာအသုံးဝင်နေသေးပေမယ့်လည်း အနာဂတ်ရဲ့ဖွံ့ဖြိုးမှုတွေအကြောင်း သတိပေးခဲ့ပါတယ်။ ကျွန်တော်တို့မတွေးနိုင်တဲ့ အန္တရယ်တွေဖြစ်လာနိုင်တယ်လို့ ပြောခဲ့ပါတယ်။ “artificial intelligence ကို လူသားတွေဖန်တီးလိုက်ကတည်းက အရှိန်အဟုန်နဲ့တိုးတက်အောင် ဒီဇိုင်းပြင်ဆင်နေကြတယ်”။ ဒါကြောင့် ကျွန်တော်တို့ထက် သာလွန်တဲ့လုပ်ဆောင်ချက်တွေကို သူတို့ကလုပ်ဆောင်ကြတော့မယ်။

၅။ စကြဝဠာကြီးက အဆုံးသတ်ဖို့နီးနေပြီ
သူ့ရဲ့နောက်ဆုံးသတ်ဖြစ်တဲ့ A Smooth Exit From Eternal Inflation ကို သူမသေခင်နှစ်ပတ်အလိုမှာ ပြီးအောင်ရေးသွားခဲ့ပါတယ်။ ဟော့ကင်းရဲ့ခန့်မှန်းချက်အရ ကြယ်တွေအားလုံးက အလင်းစွမ်းအင်တွေကုန်ခမ်းသွားလိမ့်မယ်။ ဒါကြောင့် စကြဝဠာကြီးဟာ အမှောင်အတိကျသွားမှာပါ။ ဒါကြောင့် ကျွန်တော်တို့တွေ အသက်ရှင်သန်ဖို့အတွက် အခြားဂြိုလ်တွေ၊ စကြဝဠာတွေကို ရှာရမယ်လို့ သူပြောခဲ့တာပေါ့။

၆။ ဂြိုလ်သားတွေ ကျွန်တော်တို့ဆီကို ကျူးကျော်လာလိမ့်မယ်
စကြဝဠာထဲမှာ အသက်ရှင်နေတဲ့သတ္တဝါတွေရှိနေနိုင်ပြီးတော့ ခင်စရာမကောင်းဘူးလို့ ဟော့ကင်းကယုံကြည်ထားပါတယ်။
၁၉၈၃ခုနှစ်မှာ ဟော့ကင်းနဲ့ ဂျိန်းစ် ဟာတဲလ်တို့က သူတို့ရဲ့ “no-boundary” သီအိုရီကို ချပြခဲ့ပါတယ်။ အဲဒီမှာ Big Bang အတွင်း ကမ္ဘာကြီးရဲ့တည်ရှိမှုအကြောင်းရှင်းပြထားပါတယ်။ အဲဒီနောက်မှာတော့ ဒီသီအိုရီဟာ ဟော့ကင်းရဲ့ “multiverse” သီအိုရီအဖြစ်နဲ့ ဖွံ့ဖြိုးသွားခဲ့တယ်။ အဲဒီသီအိုရီအရ ကျွန်တော်တို့ရဲ့ စကြဝဠာဟာ အခြားသော စကြဝဠာတွေထဲက တစ်ခုဖြစ်ကြောင်း သိရပါတယ်။
ကျွန်တော်တို့တွေပဲ စကြဝဠာထဲမှာရှိနေတာမဟုတ်ကြောင်း သက်သေမရှိပေမယ့်လည်း အခြားဂြိုလ်မှ ဂြိုလ်သားတွေက ကျူးရောက်ဝင်ရောက်လာတာမျိုးတွေ ဖြစ်နိုင်ချေရှိနေပါတယ်။

၇။ ဗီဇပြုပြင်ထားတဲ့ဆေးဝါးတွေက အကျိုးဆက်မကောင်းနိုင်
လူသားမျိုးနွယ်တွေအတွက် ခြိမ်းခြောက်မှုကြီးများထဲမှ တစ်ခုအပါအဝင်ဖြစ်နေတာကတော့ စကြဝဠာကနေလာတာမဟုတ်ပါဘူး။ လူသားတွေကိုယ့်ဘာသာဖန်တီးနေကြတာလို့ သူကပြောသွားပါတယ်။
လွန်ခဲ့တဲ့အချိန်တွေတုန်းက ပညာရှင်တွေဟာ အရုပ်တွေကို ဗီဇတွေပြင်ပြီးတော့ ဗိုင်းရပ်စ်တွေနဲ့စမ်းသပ်ကာ လူသားတွေရဲ့ရောဂါကို ကုသဖို့ကြိုးစားခဲ့တယ်။ ဒါပေမယ့်် သူတို့အတွက် ဖြစ်နိုင်ချေရှိတဲ့အခြားသောအသုံးချမှုကို တွေ့ရှိခဲ့တယ်။ သုတေသီတွေက ကင်ဆာဆဲလ်ကိုသတ်နိုင်တဲ့ ဗိုင်းရပ်စ်တစ်ခုကို ဖန်တီးလိုက်ခြင်းမှတစ်ဆင့် ဆေးစွဲနေတဲ့သူကို ရပ်တံ့နိုင်အောင်လုပ်နိုင်တယ်ဆိုတာကိုလည်း တွေ့ရှိခဲ့တာမျိုးပေါ့။
ဒီနေ့ခေတ်မှာတော့ ဆေးပညာရှင်တွေဟာ သေစေနိုင်တဲ့ဗိုင်းရပ်စ်တွေကိုပေါင်းစပ်ပြီးတော့ လူတွေ၊ နွားတွေ၊ ခွေးတွေရဲ့ DNA နဲ့တောင် ရောစပ်နေကြပါတယ်။ ဖြစ်လာနိုင်တာကတော့ ဒီကောင်တွေရဲ့ ရေရှည်အကျိုးဆက်ကို နားမလည်ကြတာပါပဲ။ ကျွန်တော်တို့အပေါ်ကို ဘယ်လိုသက်ရောက်မှုတွေများ ရှိလာနိုင်မလဲဆိုတာကို ကျွန်တော်တို့ တပ်အပ်မသိကြပါဘူး။
Read more...

အလွန်အသုံးဝင်သော စမတ်ဖုန်းလျှို့ဝှက်feature များ

  • Published in News
အလွန်အသုံးဝင်သော စမတ်ဖုန်းလျှို့ဝှက်feature များ
 
လွန်ခဲ့တဲ့၁၀နှစ်လောက်တုန်းက အလုပ်၁၀ခုလုပ်ချင်ရင် ပစ္စည်း၁၀မျိုး ရှိရတယ်။ အခုဆို စမတ်ဖုန်းတစ်လုံးရှိခြင်းက ဖုန်းခေါ်၊ စာပို့၊ တီဗွီကြည့်၊ သတင်းဖတ်၊ ငွေပေးငွေယူတွေ လုပ်နိုင်နေပါပြီ။ ဒီထက်တောင် ပိုလုပ်လို့ရတယ်။
အဲဒီလိုအများကြီးလုပ်ဆောင်နိုင်တဲ့အထဲကမှ မသိကြသေးတဲ့ feature လေးတွေလည်းဖြစ်၊ နေ့စဉ်အသုံးပြုမှုအတွက် လိုအပ်တဲ့ feature လေးတွေကို စုစည်းပေးထားပါတယ်။
 
၁။ Monochrome mode
ဘတ်ထရီနဲ့ မျက်လုံးကို ကာကွယ်ချင်ပါသလား။ စာဖတ်နေချိန်မှာ monochrome mode ကို အသုံးပြုကြည့်လိုက်ပါလား။ developer’s menu ကို သွားလိုက်ပါ။ simulate anomaly" ကို ရှာလိုက်ပါ။ ကျွန်တော့ S7 edge မှာတော့ color space ဆိုတာလေးပဲ ပါ၀င်ပါတယ်။ ရွေးစရာပိုများတာပေါ့။ အဲဒီအထဲက monochrome mode ကို ရွေးချယ်ပေးလိုက်ရင် ရပါပြီ။ သင့်ရဲ့ဖုန်းလေးက ဖြူမည်းဖြစ်သွားပါပြီ။ ဗွီဒီယိုတွေကိုလည်း ဖြူမည်းပုံစံနဲ့ဆိုတော့ ကျွန်တော်ကတော့ အရမ်းသဘောကျမိတယ်။
ဒီဆယ်ချက်ထဲက သင့်အကြိုက်ဆုံးတစ်ခုက ဘယ်ဟာဖြစ်မလဲ။ ကျွန်တော်ကတော့ နောက်ဆုံးတစ်ခုကို အကြွေဆုံးပါပဲ။

၂။ စိတ်ဝင်စားဖွယ် အကြောင်းအရာများ
သင်ဟာ စမတ်ဖုန်းစွဲလမ်းနေသူလို့ မိသားစုတွေ သတ်မှတ်တာခံနေရပြီလား။ သင်ဘယ်လောက်တောင် စွဲလမ်းနေပြီလဲဆိုတာကို စစ်ဆေးဖို့ စိတ်ဝင်စားဖွယ်ကောင်းတဲ့ အကြောင်းအရာလေးတွေကို စစ်လိုက်ရအောင်။
iOS မှာတော့ “Settings“ — ”Battery" ကို သွားပြီးတော့ “last 7 days” ကို နှိပ်လိုက်ပါ။ အသုံးအများဆုံး app တွေ ကျလာပါလိမ့်မယ်။ Android အတွက်ကတော့ Instant လိုမျိုး app တွေလိုအပ်ပါတယ်။
 
၃။ စမတ်ဖုန်းကို construction အတွက်အသုံးပြုနည်း
စမတ်ဖုန်းတိုင်းမှာ accelerometer နဲ့ gyro sensor တွေရှိတယ်။ အဲဒီဟာတွေက ဖုန်းရဲ့တည်နေမှုကို သိနိုင်တယ်။ Android နဲ့ iOS အတွက် ထုတ်ထားတဲ့ app တွေကိုဒေါင်းလုတ်ဆွဲပြီးတော့ ရေချိန်ကိုက်နိုင်ပါတယ်။ construction အသေးစားလေးတွေအတွက် အသုံးပြုနိုင်ပါတယ်။ ဒါပေမယ့်လည်း ပရော်ဖက်ရှင်နယ်လုပ်ငန်းတွေအတွက်တော့ မသုံးစေချင်ပါဘူး။
 
၄။ UV light
UV light ကတော့ အလွန်အသုံးဝင်ပါတယ်။ banknote တွေကိုလည်း စစ်ဆေးကြည့်လို့ရပါတယ်။ DIY လုပ်ဖို့အတွက်တော့ တိပ်၊ မာကာလိုပါတယ်။ ဟုတ်တာပေါ့။ စမတ်ဖုန်းကတော့ မရှိမဖြစ်ပဲနော်။
တိပ်လေးကို flashlight ပေါ်ကိုကပ်လိုက်ပြီးတော့ မာကာအပြာနဲ့ ခြယ်သလိုက်ပါ။ ပြီးရင်တော့ တိပ်ကပ်ပြီးတော့ ခရမ်းရောင်ခြယ်သလိုက်ပါ။ နောက်ထပ်နှစ်ထပ်လောက်လုပ်လိုက်ပါဦး။ ပြီးပါပြီ။

၅။ magic menu ကို အသုံးပြုနည်း
စမတ်ဖုန်းကို စိတ်ဝင်စားပြီးတော့ တစ်ချိန်လုံးအသုံးပြုနေမယ်ဆိုရင်တော့ settings ကို ပရိုဆန်ဆန်ပြောင်းချင်မှာပါ။ Developer Menu မှာ လုပ်လို့ရပါတယ်။
ပထမဆုံး “Settings“ — ”About the phone“ — “Model Number” ကို ရကြိမ်နှိပ်လိုက်ပါ။
ဂုဏ်ယူပါတယ်။ သင်က developer တစ်ယောက်ဖြစ်သွားပါပြီ။ ဒီ menu လေးကို အသုံးပြုပြီးတော့ performance ကောင်းကောင်းတွေ၊ system appearance တွေကို ကလိနိုင်ပါပြီ။
 
၆။ Dash cam
သင့်ရဲ့စမတ်ဖုန်းကို ကားအတွက် DVR အဖြစ်သုံးလို့ရပါတယ်။ လိုအပ်တာကတော့ special DVR app တွေ သွင်းဖို့ပါပဲ။
ကားထဲမှာ တကယ့် DVR အသုံးပြုခြင်းကတော့ အကောင်းဆုံးပါပဲ။ ဒါပေမယ့်လည်း ခရီးထွက်ဖို့အတွက် ငှားထားတဲ့ကားမှာသုံးချင်တယ်ဆိုရင်တော့ DIY dash cam လေးက အသုံးဝင်မှာပါ။
 
၇။ ဖုန်းကို CCTV အဖြစ်အသုံးပြုနည်း
အိမ်မှာ မသုံးတော့တဲ့ စမတ်ဖုန်းတွေကို အသုံးဝင်အောင်လုုပ်လို့ရပါတယ်။ motion sensor function ပါ၀င်တဲ့ app တစ်ခုက သင့်ရဲ့ဖုန်းကို CCTV အဖြစ်ပြောင်းနိုင်စေပြီးတော့ မြင်ကွင်းထဲဝင်လာတာနဲ့ ဓါတ်ပုံတွေ ရိုက်ပေးထားမှာပါ။ သင့်ဆီကိုလည်း ဓါတ်ပုံတွေ ပို့ပေးနိုင်ပါတယ်။
စမတ်ဖုန်းကိုအသုံးပြုပြီးတော့ သင့်ရဲ့ကလေးကို စောင့်ကြည့်တာမျိုးတွေ လုပ်ဆောင်နိုင်ပြီပေါ့။ ဒါပေမယ့်လည်း သီးသန့်ထုတ််ထားတဲ့ပစ္စည်းတွေကသာ လုံခြုံစိတ်ချမှုကို ပေးစွမ်းနိုင်တယ်ဆိုတာကို သတိပြုစေချင်ပါတယ်။
 
၈။ မမ်မိုရီစားသက်သာစေအောင်လုုပ်နည်း
ခဏလေးဆိုသလို မမ်မိုရီတွေ ပြည့်သွားတယ်ဟုတ်။ ဒါဆိုရင်တော့ flash memory card ၊ Dropbox လိုမျိုးသုံးပါ။ မဟုတ်ရင်လည်း ကွန်ပျူတာမှာ သိမ်းထားလိုက်ပါ။ ခဏနေပါဦး။ နောက်တစ်ခုရှိပါသေးတယ်။ ဒါကတော့ Telegram Messenger မှာ တင်ထားလိုက်ပါ။
Telegram ဆိုတာကတော့ သင့်ကိုဖိုင်တွေ၊ စာသားတွေနဲ့လင့်တွေကို သင့်ကိုယ်သင် ပေးပို့နိုင်အောင် လုပ်ဆောင်ပေးထားပါတယ်။ ဒါကြောင့် notepad အဖြစ်သာမက cloud storage အဖြစ်နဲ့ပါ အသုံးပြုနိုင်ပါတယ်။ နံပါတ်ကိုရှာပြီးတော့ သုံးနိုင်ပါပြီ။
 
၉။ Smartphone return option
တကယ်လို့အပေါ်တစ်ခုနဲ့တင် မလုံလောက်သေးဘူးဆိုရင်တော့ anti-theft app တစ်ခုကို အသုံးပြုရမှာပါ။ Cerberus ကတော့ ဓါတ်ပုံတွေရိုက်ပေးထားနိုင်တယ်။ မိုက်ဖွင့်ထားနိုင်ခြင်း၊ ဖုန်းကို ဘလော့လုပ်ခြင်း၊ အချက်အလက်တွေဖျက်ဆီးခြင်း၊ GPS နဲ့ ထောက်လှမ်းနိုင်ခြင်း၊ ဘေးနားကလူတွေကြားအောင် အချက်ပြစနစ်ကျယ်ကျယ်ဖွင့်နိုင်ခြင်းတွေ လုပ်ဆောင်ပေးနိုင်ပါတယ်။
 
၁၀။ Lock screen message
သင့်ဖုန်းပျောက်သွားပါပြီတဲ့။ screenကြီးကလည်း key တွေနဲ့ ပိတ်မိနေတယ်။ သင်တစ်ယောက်တည်းပဲ သိနိုင်တဲ့ key တွေထားထားတယ်မလား။ တစ်ယောက်ယောက်က တွေ့တယ်ထားဦး။ ပြန်ပေးချင်စိတ်ရှိတောင် ဘယ်လိုလုပ်ပေးရမလဲ။ ဒါကြောင့် Android ဗားရှင်းအသစ်တွေမှာ ပါ၀င်တဲ့ feature လေးကို အသုံးပြုလိုက်ပါ။ ဥပမာ ဘယ်ကိုပြန်ပို့ပေးပါ။ ဖုန်းဆက်ပေးပါပေါ့။
လုပ်ဆောင်ရမယ့်နည်းလမ်းကတော့ “Settings“ — ”Lock screen and security“ — “Lock screen signature” ကို သွားရမှာပါ။ ပြီးရင်တော့ ဆက်သွယ်ရမယ့်ဖုန်းနံပါတ်ကို ရေး၊ အီးမေးလ်ရေးချင်ရေး။ ပြီးပါပြီ။
Read more...

ဆဲလ်ဖုန်းတစ်လုံးနှင့်ကွန်ပျူတာကြား အချက်အလက်တွေ ကူးပြောငး်ပေးနိုင်မယ့် နည်းလမ်းများ

  • Published in News
ဆဲလ်ဖုန်းတစ်လုံးနှင့်ကွန်ပျူတာကြား အချက်အလက်တွေ ကူးပြောငး်ပေးနိုင်မယ့် နည်းလမ်းများ

 ယခုလမ်းညွှန်လေးကတော့ ဖုန်းတစ်လုံးနှင့်ကွန်ပျူတာကြား သတင်းအချက်အလက်များ မည်သို့အပေးအယူပြုလုပ်ရမလဲဆိုတာတွေကို ဖော်ပြသွားမှာပဲဖြစ်ပါတယ်။
 
နည်းလမ်း (၁) : Android USB ကိုအသုံးပြုခြင်း
• သင့်ကွန်ပျူတာ၏ USB Port သို့ သင့်ဖုန်းကိုချိတ်ဆက်ရန် Data Cable (ဒေတာ USB ကြိုး) ကိုအသုံးပြုပါ။ သင့်ထံတွင်ထိုကဲ့သို့သောကြိုးမရှိပါက ဖုန်းထုတ်လုပ်သည့်ကုမ္ပဏီ၏ ၀က်ဆိုက်သွားရောက်စစ်ဆေးပြီး တစ်နေရာရာမှ ထိုကြိုးတစ်ချောင်းဝယ်ယူလိုက်ပါ။
• သင့်ဖုန်းတွင် Memory Card ရှိနေပါစေ။
• သင့်ဖုန်းဖန်သားပြင်မှ USB Connected ဖြစ်ကြောင်းပြသည့် Notification လေးကိုနှိပ်လိုက်ပါ။
• Mount ကိုရွေးချယ်လိုက်ပါ
• သင့်ကွန်ပျူတာတွင် Removable Storage ကိုရှာဖွေလိုက်ပါ။ သင်ဟာ Macbook အသုံးပြုသူဖြစ်ပါက သင့်ကွန်ပျူတာ Desktop တွင်တွေ့ရှိနိုင်ပြီး PC တစ်လုံးတွင်ဆိုပါက My Computer တွင်သွားရောက်ကြည့်ရှုလိုက်ပါ။
• သင့်ဖုန်းမှ ကွန်ပျူတာထဲသို့ရွေ့ပြောင်းလိုသည့်အချက်အလက်များကိုဆွဲယူထည့်သွင်းလိုက်ပါ။
• အားလုံးပြီးဆုံးသွားပါက ဖုန်းရှိ Notification bar သို့ပြန်သွားပြီး Turn Off USB Storage ဆိုတာကိုနှိပ်လိုက်ပါ။
• သင့်ဖုန်းမှကွန်ပျူတာသို့ချိတ်ဆက်ထားသည့် Data Cable ကြိုးကိုဖြုတ်လိုက်ပါ။
 
နည်းလမ်း (၂) : iPhone Wifi Sync ကိုအသုံးပြုခြင်း

သင်ဟာ iOS 5.0 နှင့်အထက်ကိုအသုံးပြုသူဖြစ်ပါက iTunes Synch ကိုအသုံးပြုပြီး Wifi မှတဆင့် အချက်အလက်များကိုအလိုအလျောက် လွဲပြောင်းပေးပို့နိုင်မှာပဲဖြစ်ပါတယ်။ ဒီနည်းလမ်းလေးဟာ သင့်ရဲ့ဓာတ်ပုံတွေ ၊ သံစဉ်တွေ၊ စာအုပ်တွေ၊ သီချင်းတွေ၊ ရုပ်ရှင်ဇာတ်ကားတွေ၊ ဗီဒီယိုတွေနဲ့ Application များကို သင့်ကွန်ပျူတာမှချိတ်ဆက်ထားသည့် ကွန်ရက်တွင်ချိတ်ဆက်လိုက်သည့်အချိန်တိုင်း အလိုလျောက် လွဲပြောင်းနိုင်မှာပဲ ဖြစ်ပါတယ်။ အောက်ပါအတိုင်းပြုလုပ်နိုင်မှာပဲဖြစ်ပါတယ်။
• သင့် iPhone ၏ ပင်မဖုန်းဖန်သားပြင်မှ Setting သို့ဝင်ရောက်လိုက်ပါ။
• General ကိုနှိပ်ပြီး iTunes Sync ဟူသည့်ခလုပ်ကိုနှိပ်လိုက်ပါ။
• Synch now ကိုနှိပ်လိုက်ပါ
 
နည်းလမ်း(၃) : Email ကိုအသုံးပြုခြင်း

• အခမဲ့ Wifi ကွန်ရက်တစ်ခုကိုရှာဖွေပါ သို့မဟုတ် သင့်အိမ်ရှိ Wifi ကွန်ရက်ကိုသင့်ဖုန်းနှင့် ချိတ်ဆက်ပါ။
• သင့်ဖုန်းမှအချက်အလက်များကို သင့်ကိုယ်သင် Email ပြန်ပို့ပါ။ သင်ဟာ Wifi ကွန်ရက်ကိုအသုံးပြုထားသည့်အတွက် သင့်မိုဘိုင်းဖုန်းအော်ပရေတာမှ ငွေကြေးကောက်ခံသွားမှာမဟုတ်ပါဘူး။
• သင်အချက်အလက်များကို သိမ်းဆည်းလိုသည့်ကွန်ပျူတာတွင် Email ကိုဖွင့်လိုက်ပါ။
• Download ကိုရွေးချယ်လိုက်ပါ။
 
နည်းလမ်း (၄) : Memory Card Reader တစ်ခုကိုအသုံးပြုခြင်း

• သင့်ဖုန်းအတွင်းသို့ Memory Card တစ်ကတ်ထည့်သွင်းပါ။ ဖုန်းအများစုကတော့ ဖုန်းနှင့်တစ်ခါတည်းပါ၀င်သည့် Micro Memory Card ကိုအသုံးပြုကြပြီး စိတ်ကြိုက်တပ်ဆင်/ဖြုတ်သိမ်းနိုင်ပါတယ်။
• သင့်ဖုန်းမှာထက် Memory Card တွင်သာအချက်အလက်များသိမ်းဆည်းနေပါစေ။
• သင့် Memory Card ကို Memory Card Reader အတွင်းသို့ထည့်သွင်းလိုက်ပါ။ တစ်ခါတစ်ရံတွင် သင့် Memory Card Reader ဟာ Micro Memory Card တစ်အခုအတွက်အလွန်ကြီးနေတတ်ပါတယ်။ ထိုသို့သောကိစ္စများတွင် သင့် Micro Memory Card ထည့်သွင်းနိုင်မည့် Adapter တစ်ခုကိုအသုံးပြုနိုင်ပါတယ်။ ထို့နောက် အဆိုပါ Adpater ကို Memory Card Reader သို့ထည့်သွင်းလိုက်ရုံပါပဲ။
• သင့်ကွန်ပျူတာအတွင်းသို့ အချက်အလက်များလွဲပြောင်းပါ။ သင့် Memory Card Reader ကိုသင့်ကွန်ပျူတာရှိ My Computer တွင် Removable Disk အဖြစ်တွေ့မြင်ရနိုင်ပါတယ်။ သင်ဟာ Macbook အသုံးပြုသူဖြစ်ပါက iPhoto ကိုဖွင့်ပြီး File>>Import to Library သို့ဝင်ရောက်လိုက်ပါ။ ထို့နောက် Memroy Card အတွင်းမှ သင်ရွေ့ပြောင်းလိုသည့် ဓာတ်ပုံများကိုရွေးချယ်လိုက်ရုံပါပဲ။
 
နည်းလမ်း (၅) : Bluetooth ကိုအသုံးပြုခြင်း

• သင့်ဖုန်းမှ Bluetooth ကိုဖွင့်လိုက်ပါ။ မည်သို့ပြုလုပ်ရမည်ကိုမသိပါက Setting သို့မဟုတ် Controls တွင်ကြည့်လိုက်ပါ။
• Bluetooth Adapter တစ်ခုဝယ်ယူလိုက်ပါ။ သင့်ကွန်ပျူတာတွင် Bluetooth/Infrared ချိတ်ဆက်နိုင်ရန်အတွက် Adapter မပါရှိပါက Adapter တစ်ခုဝယ်ယူလိုက်ပါ။ ပုံမှန် BT/I Adapter တစ်ခုကို USB Port တွင်ထည့်သွင်းလိုက်ပါ။ သင်ငွေကြေးချွေတာလိုပါက အွန်လိုင်းပေါ်တွင်အသုံးပြုပြီးသား Adapter တစ်ခုကိုရှာဖွေဝယ်ယူနိုင်ပါတယ်။ ချိတ်ဆက်နိုင်ရန်လုပ်ငန်းစဉ်အတွက် ဒီ Adapter တွင် Software ပါ၀င်မှာဖြစ်ပြီး သင့်ဖုန်းနှင့်ကွန်ပျူတာကြားတွင် အချက်အလက်များအပြန်အလှန်ပေးပို့နိုင်မှာပဲဖြစ်ပါတယ်။ Macbook ကဲ့သို့သော ကွန်ပျူတာအချို့တွင် Bluetooth ကိရိယာများပါ၀င်ပြီးဖြစ်ပြီးဖြစ်ပါတယ်။ သင့်ကွန်ပျူတာတွင် ထိုသို့လုပ်ဆောင်နိုင်စွမ်းရှိမရှိမသေချာပါက အင်တာနက်တွင်ရှာဖွေနိုင်ပါသည်။
• သင့်ဖုန်းမှာရော ကွန်ပျူတာမှာပါ Bluetooth ဖွင့်ထားရန်လိုအပ်ပါတယ်။သင်ဟာ Macbook အသုံးပြုသူဖြစ်ပါက အပေါ်ဖက် Toolbar ညာဖက်တွင် Bluetooth သင်္ကေတလေးကိုနှိပ်လိုက်ခြင်းဖြင့် Bluetooth ကိုအသုံးပြုနိုင်ပါပြီ။ ထိုသင်္ကေတလေးဟာ Date and Time ၏ဘယ်ဖက်တွင်ရှိနေနိုင်ပြီး တြိဂံပုံစံရှိပါတယ်။ Window Vista ကိုအသုံးပြုသူဆိုပါက Control Panel>> Network and Internet Connection>> Bluetooth Devices သို့ဝင်ရောက်လိုက်ပါ။
• သင့်ကွန်ပျူတာနှင့် ပေ၃၀အကွာအဝေးတွင်းမှာပဲရှိနေပါစေ။ Bluetooth ဟာပေ၃၀ထက်ပိုဝေးကွာသွားပါက အလုပ်လုပ်ဆောင်နိုင်မှာမဟုတ်ပါဘူး။
• သင့်ဖုန်းတွင် သင့်ရွေ့ပြောင်းလိုသည့် အချက်အလက်များကိုရှာဖွေပါ။
• Menu ခလုတ်လေးဟာနှိပ်ပြီး Copy သို့မဟုတ် Send ကိုရွေးချယ်ပါ။
• Bluetooth ကိုရွေးချယ်ပါ။
• သင် Bluetooth ဖွင့်ထားသည်ဆိုပါက ဖုန်းတွင် Bluetooth menu အလိုအလျောက်ပေါ်လာမှာပဲဖြစ်ပါတယ်။
• “Look  for Devices ” ကိုရွေးချယ်ပါ။
• ဖော်ပြလာသည့် စက်ပစ္စည်းစာရင်းမှာ သင့်ကွန်ပျူတာကိုရွေးချယ်လိုက်ပါ။
• သင့်ကို ဓာတ်ပုံပို့ဆောင်ခွင့်ပြုမပြု ခွင့်ပြုမိန့်တစ်ခု သင့်ဖုန်းများပို့ဆောင်ပါလိမ့်မည်။
• အဆိုပါခွင့်ပြုမိန့်ကို လက်ခံလိုက်ပြီး အချက်အလက်များကိုပေးပို့နိုင်ပါပြီ။
 
နည်းလမ်း (၆) : CDMA ဖုန်းတစ်လုံးမှ ဖုန်းနံပါတ်များ၊ အမှတ်တရများ၊ ဓာတ်ပုံများနှင့် ပြက္ခတိန် ပေးပို့ပေးခြင်း

• တစ်ဖက်တွင်သင့်ဖုန်းကိုချိတ်ဆက်နိုင်မည့် ကြိုးခေါင်းပါရှိပြီး အခြားတစ်ဖက်တွင် USB Connector ပါရှိသည့် Data Link ကြိုးတစ်ချောင်းရှာဖွေလိုက်ပါ။
• သင့်ဖုန်းအတွက်လိုအပ်သည့် Driver များကို Install ပြုလုပ်လိုက်ပါ။ အဆိုပါ Driver များဟာ Data Link ကြိုးနှင့်အတူ CD တစ်ချပ်အဖြစ်ပါ၀င်လာပြီးဖြစ်မှာပါ။
• http://www.bitpim.org/ မှ BitPim Software ကို Download ရယူပြီး Install ပြုလုပ်ပါ။
• သင့်ဖုန်းကိုချိတ်ဆက်လိုက်ပြီး BitPimကိုဖွင့်လိုက်ပါ။ သင့်ဖုန်းကိုအလိုအလျောက်သိရှိပြီးဖြစ်နေပါလိမ့်မယ်။
• အပေါ်ဘယ်ဖက် Tool bar ရှိခလုတ်လေးနှစ်ခုမှာ Get Phone Data နှင့် Send Phone Data တို့ဖြစ်နေပါလိမ့်မယ်။ အဆိုပါခလုတ်လေးများကိုအသုံးပြုပြီး သင့်ဖုန်းအတွင်းမှ အချက်အလက်များကိုလိုအပ်သလို ပြုလုပ်နိုင်ပါပြီ။
 
နည်းလမ်း (၇) : CDMA ဖုန်းတစ်လုံးတွင် ရုပ်ရှင်များ၊ သီချင်းများနှင့် Memory Card များရွေ့ပြောင်းခြင်း

• View >> View Filesystems သို့ဝင်ရောက်ပြီး ပိုမိုအဆင့်မြင့်သည့်လုပ်ဆောင်ချက်များပြုလုပ်ရန်ပြင်ဆင်ပါ။
• အသုံးဝင်မည့် အချက်အလက်များပါ၀င်သည့် Folder များကိုရှာဖွေပါ။
• သင်တစ်ခါတည်းနှင့် များစွာသော File များကိုဖျက်သိမ်းပစ်လိုပါက Folder ကို Right Click နှိပ်ကာရွေးချယ်ပြီး Backup Directory ကိုရွေးချယ်လိုက်ပါ။ ဒါဆိုရင်တော့ အဆိုပါ Folder အတွင်းရှိအချက်အလက်အားလုံးကိုု သင့်ကွန်ပျူတာတွင်းသို့ကူးယူမှာပဲဖြစ်ပါတယ်။
• သင့်ဖုန်းကိုမည်သို့အဆင်ပြေအောင်ပြုလုပ်နိုင်မည်ဆိုတာကို အင်တာနက်တွင်ရှာဖွေပါ။ အချို့သောဖုန်းများဟာ File အမျိုးအစားနှင့်ပတ်သက်ပြီး ကန့်သတ်ချက်များရှိပါတယ်။ အချို့ကတော့ ဖိုင်အရွယ်အစားကိုကန့်သတ်ထားကြပါတယ်။ ဖုန်းမော်ဒယ်အမျိုးအစားအလိုက် ကွာခြားမှုရှိပါတယ်။

နည်းလမ်း(၈) : QR Code ကိုအသုံးပြုခြင်း

• သင်ရွေ့ပြောင်းလိုသည့် အချက်အလက်များကိုရယူပါ။ ဒီနည်းလမ်းဟာ သင့်အနေနဲ့ Link တစ်ခု၊ ရုပ်ပုံ သို့မဟုတ် ၀က်ဆိုက်စာမျက်နှာတစ်ခုမှ စာသားများကို သင့်မိုဘိုင်းဖုန်းအတွင်းသို့ ကူးယူလိုပါက အသုံးဝင်ပါတယ်။ ဥပမာ သင့်ဟာ Google Maps မှလမ်းကြောင်းတစ်ခု ၊ စျေးဝယ်စာရင်း သို့မဟုတ် ဓာတ်ပုံတစ်ပုံ၏ Link ကိုလိုအပ်သည်ဆိုရင် ယခုနည်းလမ်းကိုအသုံးပြုနိုင်မှာပါ။  လုံခြုံရေးကိစ္စရပ်များကြောင့် အခြားသောနည်းလမ်းများ အသုံးမပြုနိုင်သည့် နေရာများတွင် ကောင်းစွာအလုပ်ဖြစ်မှာပါ။
• အင်တာနက်မှ QR Code Creator တစ်ခုကိုရှာဖွေပါ။ ၀က်ဆိုက်၊ Browser Extensions ၊ Program သို့မဟုတ် Application များအနေနဲ့ ရယူနိုင်ပါတယ်။
• သင့်ကိုယ်ပိုင် Link ၊ ရုပ်ပုံ သို့မဟုတ် စာသားများကို QR Code ပုံစံအဖြစ်သို့ဖန်တီးနိုင်စေရန် QR Creator ကိုအသုံးပြုလိုက်ပါ။
• သင့်ဖုန်းမှာ QR Reader application တစ်ခုဖြင့် QR Code ကိုဖတ်ရှုလိုက်ပါ။ ဖုန်းအမျိုးအစားလိုက် နည်းလမ်းများစွာရှိပြီး အများစုကတော့ အခမဲ့ပဲဖြစ်ပါတယ်။ သင်ဟာ Code တစ်ခုကို ဖတ်လိုက်ပါက အဆိုပါ app ဟာပါ၀င်သည့် အချက်အလက်များကိုဖေါ်ပြပေးသွားမှာပဲဖြစ်ပါတယ်။
 
နည်းလမ်း (၉) : Dropbox ကိုအသုံးပြုခြင်း

• Dropbox သို့ Sign up ပြုလုပ်ရန် သူတို့၏ဝက်ဆိုက်သို့သွားရောက်ပါ။
• သင့်ကွန်ပျူတာတွင်င Dropbox ကို Install ပြုလုပ်ပါ။
• သင့်ကွန်ပျူတာတွင် သင့်ဖုန်းတွင်းထားရှိလိုသည့်အချက်အလက်များကို Dropbox-folder အတွင်းမှ Folder တစ်ခုတွင်ထားလိုက်ပါ။ Dropbox-folder ဟာ “C:\Users\<your user name>\Dropbox” တွင်ရှိနေမှာဖြစ်ပါတယ်။
• သင့်ဖုန်းတွင် Dropbox applicationကို Install ပြုလုပ်ပါ။ အဆိုပါ app ကို Android ၊ iPhone ၊ iPad ၊ iPad Touch များအားလုံးအတွက် ရယူသုံးစွဲနိုင်ပါပြီ။
• သင် install ပြုလုပ်လိုက်သည့် app တွင် Dropbox ကို Sign in ပြုလုပ်လိုက်ပါ။
• သင့်ဖုန်းတွင် သင်ထားရှိလိုက်သည့် File ပါ၀င်သည့် Folder သို့ဝင်ရောက်လိုက်ပါ။
• File ဘေးရှိ မျှားလေးအားနှိပ်လိုက်ပြီး Extract ကိုနှိပ်လိုက်ပါ။
• သင်ထားလိုသည့် Folder တစ်ခုကိုရွေးချယ်လိုက်ပါ။
• Download ပြုလုပ်လိုက်ပါ။ သင်လိုအပ်သလို အချက်အလက်များကို ရွေ့ပြောင်းနိုင်ပြီပဲဖြစ်ပါတယ်။
Read more...

အွန်လိုင်းပေါ်က သင့်ရဲ့ဒီဂျစ်တယ်ပုံတွေ ကို ကာကွယ်ပေးမယ့် နည်းလမ်းပေါင်းချုပ်

  • Published in News
အွန်လိုင်းပေါ်ကသင့်ရဲ့ဒီဂျစ်တယ်ပုံတွေကို ကာကွယ်ပေးမယ့် နည်းလမ်းပေါင်းချုပ်
 
အင်တာနက်ခေတ်ကိုရောက်တာတဲ့အချိန်မှာ ဓါတ်ပုံဆရာတွေရဲ့ talent ကိုပြသနိုင်တဲ့ ရွှေရောင် platform ဖြစ်နေပေမယ့်လည်း အထိခိုက်လွယ်ဆုံး platformလို့လည်း ပြောနိုင်ပါတယ်။ အဲဒီနေရာမှာပဲ သူတို့ရဲ့အနုပညာတွေကို ခိုးယူသွားလို့ရနေတဲ့အတွက်ကြောင့်ပါ။ ဒါပေမယ့် သင့်ရဲ့ပုံအတွက် မူပိုင်ခွင့်ရှိမယ်ဆိုရင်တော့ မူပိုင်ခွင့်ချိုးဖောက်ခြင်းက တရားမဝင်တော့ပါဘူး။ ဒါပေမယ့် ရှည်လျားလှတဲ့ တရားခွင်က အဆင်မပြေလှပါဘူး။ ဒါကြောင့်လည်း အွန်လိုင်းပေါ်မှာ အနုပညာတွေကို ချပြနေတဲ့သူတွေကို သူခိုးတွေက ခြိမ်းခြောက်နိုင်နေကြတာပေါ့။ ဒါပေမယ့် ကျွန်တော်တို့ဘက်က ဘယ်လိုကာကွယ်ရမလဲဆိုတဲ့ နည်းလမ်းလေးတွေကို ပြောပြပေးသွားမှာပါ။
 
၁။ အဆင့်မြင့် ဘားကုဒ်များကိုအသုံးပြုခြင်း
Digimarc ကတော့ မမြင်နိုင်တဲ့ ဘားကုဒ်တွေကို သင့်ရဲ့ပုံလေးတွေအတွင်းကို ထည့်သွင်းပေးပါတယ်။ ဒါလေးကတော့ ပုံမှာ လက်ဗွေရာထည့်လိုက်သမျိုး လုပ်ဆောင်ပေးနိုင်ပါတယ်။ လမ်းကြောင်းလိုက်လို့လွယ်တာပေါ့။ ပန်းချီကားနဲ့ ဓါတ်ပုံရဲ့ ကွာခြားချက်တစ်ခုကတော့ ဓါတ်ပုံက softcopy ဖြစ်လို့ ကြိုက်တဲ့သူက ဒေါင်းလုတ်ဆွဲပြီးတော့ ယူသုံးနိုင်ပါတယ်။ ဒီနည်းပညာကိုအသုံးပြုပြီးတော့ ပိုင်ရှင်က သင်ဖြစ်ကြောင်းကို ပြသနို်င်ပါတယ်။
 
၂။ ရေစာထည့်ခြင်း
ဒီအချက်ကတော့ သူခိုးကိုအလွယ်တကူဟန့်တားနိုင်တဲ့အချက်ပါပဲ။ စာသား၊ လိုဂိုလေးတွေကို ထောင့်နားလေးမှာ ထည့်လိုက်ပါ။ ဒီနည်းလမ်းက သင်ပိုင်ဆိုင်ကြောင်း ပြသနိုင်တဲ့အပြင် သူခိုးတွေကိုလည်း တွန့်ဆုတ်သွားစေပါတယ်။ Photoshop ၊ Adobe Lightroom ကို အသုံးပြုပြီးတော့ အွန်လိုင်းပေါ်မှာမတင်ခင် ရေစာထည့်နိုင်ပါတယ်။
 
၃။ Resolution နည်းတဲ့ပုံရိပ်များတင်ခြင်း
Resolution ကောင်းလေလေ အန္တရာယ်များလေလေပါပဲ။ thumbnail လောက်လေးကိုအသုံးပြုခြင်းသာမက သာမန်တင်ခြင်းအတွက်လည်း နည်းဗျူဟာတွေချမှတ်ထားသင့်ပါတယ်။ resolution နည်းတဲ့ပုံတစ်ခုအဖြစ် ပွားထားခြင်းက သင့်ကိုအွန်လိုင်းမှာပြသခြင်းအတွက် စိတ်အေးအေးရှိစေမှာပါ။ 1600px အထိလောက်သာထားလိုက်ခြင်းက အကောင်းဆုံးရွေးချယ်မှုပါပဲ။ ဘာကြောင့်လဲဆိုတော့ print ထုတ်လိုက်ချိန်မှာ ရလဒ်ကောင်းကောင်းမထွက်စေလို့ပါပဲ။
 
၄။ Right Click လုပ်ခွင့်မပေးခြင်း
ပုံကို တိုက်ရိုက်ဒေါင်းလုတ်လုပ်ခွင့်မပေးခြင်းကလည်း သူခိုးတွေရန်ကနေ အတော်အတန်သက်သာစေပါတယ်။ ဒါပေမယ့်လည်း အွန်လိုင်းသုံးစွဲသူတွေကတော့ ဒါကို မမှုပါဘူး။ ပုံကို ၀က်ဘ်ဆိုက်မှာတင်လိုက်မယ်ဆိုရင်တော့ right click ကို ပိတ်ထားသင့်ပါတယ်။ ဒါက “save as” option ကို ဟန့်တားထားလို့ ပါမသွားနိုင်တော့ပါဘူး။
 
၅။ CSS ထဲမှာမြှုပ်ထားခြင်း
သင့်ရဲ့ဝက်ဘ်ဆိုက်မှာတင်ချင်တယ်ဆိုရင်တော့ CSS ထဲမှာ မြှုပ်တင်လိုက်ခြင်းဖြင့်လည်း ကာကွယ်နိုင်ပါတယ်။ အဲဒီနေရာမှာဆိုရင်တော့ တကယ့်ကြည်လင်ပြတ်သားတဲ့ပုံတွေကို တင်နိုင်မှာပါ။ ပုံကိုကူးချင်တဲ့သူတွေ ကြိုးစားကြည့်လည်း ဗလာလေးထောင့်ကြီးပဲ ရသွားမှာပါ။
 
၆။ Tiling
ဒီနည်းလမ်းကတော့ အချိန်အကုန်ဆုံးနည်းလမ်းတစ်ခုဖြစ်ပါတယ်။ ပုံလေးတွေကို အသေးလေးတွေအဖြစ်ပိုင်းရမှာဖြစ်ပါတယ်။ ပုံတိုင်းကိုUpload တင်ပေးရမှာဖြစ်ပြီးတော့ အွန်လိုင်းမှာ စီလို့ရနိုင်ပါတယ်။ ခိုးယူဖို့ အလွန်ခက်ခဲသွားနိုင်ပြီးတော့ သူခိုးတွေအနေနဲ့ အချိန်အတော်ကြာအောင် ကြိုးစားရမယ်ဆိုတာကို သူတို့သတိပြုမိသွားစေနိုင်ပါတယ်။
 
၇။  metadata အသုံးပြုခြင်း
နှိပ်လိုက်တဲ့အချိန်မှာ ရိုက်ထားတဲ့နေ့ရက်၊ shutter speed ၊ ရိုက်ကူးသူအမည် စတာတွေထည့်သွင်းထားခြင်းကို metadata လို့ ခေါ်ပါတယ်။ ကင်မရာရဲ့ metadata ကို အသုံးပြုနိုင်သလို Photoshop မှာလည်း လုပ်နိုင်ပါတယ်။ File > Image Info ကို သွားလိုက်ပါ။ description tab ကို နှိပ်ပြီးတော့ Author section မှာ သင့်နာမည်ရိုက်လိုက်ပါ။ Copyright ကိုလည်း ဖွင့်ပေးလိုက်ပါ။
 
၈။ reminder tag အသုံးပြုခြင်း
တခါတရံမှာ အွန်လိုင်းပုံသူခိုုးတွေမှာ ရည်ရွယ်ချက်မရှိဘဲ ဖြစ်သွားတတ်တယ်။ ၀က်ဘ်ဆိုက်ကနေ ပုံလေးယူသုံးခြင်းဟာ တရားမဝင်ဘူးဆိုတာကို သူတို့သတိမထားမိလိုက်ကြဘူး။ ရေစာထည့်ထားခြင်းက အလွယ်တကူဒေါင်းလုတ်ဆွဲခြင်းကို ဟန့်တားနိုင်ပါတယ်။ ဒါပေမယ့် ခွင့်ပြုချက်မရဘဲ ဒေါင်းလုတ်ဆွဲခြင်းကလည်း တရားမဝင်ဘူူးဆိုတာမျိုး ပြောပြထားသင့်ပါတယ်။
 
၉။ Copyright တင်ခြင်း
ယူအက်စ်မှာတော့ copyright တင်ရတာလွယ်ကူပါတယ်။ အွန်လိုင်းကနေတောင် တင်လို့ရနိုင်ပါတယ်။ published နဲ့ non published image တွေကို ခွဲခြားပေးရမှာပါ။ အွန်လိုင်းမှာ တင်ပြီးသားတွေဆိုရင်တော့ copyright ကျဖို့ သုံးလစောင့်ရပါတယ်။ ဒီတော့ သူတို့ရဲ့ပုံတွေအတွက် စိတ်ချလက်ချနေလို့ရပြီပေါ့။
 
၁၀။ ပုံတွေကိုချုံ့ခြင်း
ပုံကို ဒါမှမဟုတ် collection တွေကို မတင်ခင်မှာ ပုံတွေကို ချံု့လိုက်ပါ။ quality ၊ resolution ၊ dimension တွေအားလုံးပေါ့။ ဒီလိုလုပ်ခြင်းက ဒေါင်းလုတ်ဆွဲပြီးတော့ အသုံးပြုဖို့အတွက် အဆင်မပြေဖြစ်သွားစေနိုင်ပါတယ်။ Photoshop editing tool ကို အသုံးပြုပြီးတော့ အလွယ်တကူလုပ်နိုင်ပါတယ်။ File menu ထဲက Export ကို သွားလိုက်ပါ။ “Save for Web” ကို နှိပ်လိုက်တာနဲ့ 60% JPEG image file အထိ ရွေးပေးနိုင်ပါတယ်။ Lightroom ဆိုရင်တော့ 250kb အထိ ချံု့နိုင်တာမို့ အဆင်ပြေပါတယ်။ ကြည့်ရတာတော့ လှနေဆဲပါပဲ။
 
အွန်လိုင်းပေါ်မှာ ပုံတင်ရခြင်းက အတော်လေး စွန့်စားရတဲ့အလုပ်တစ်ခုပါပဲ။ သူခိုးတွေဆိုတာ နေရာတိုင်းမှာရှိနေတာမလား။ copyright ရှိတယ်ဆိုပေမယ့်လည်း အပေါ်မှာပြထားတဲ့နည်းလမ်းလေးတွေက လွယ်ကူပြီးတော့ အချိန်ကုန်သက်သာစေနိုင်ပါတယ်။ ဖြစ်ပြီးမှ တရားစွဲတာထက် မဖြစ်အောင်ကာကွယ်လိုက်တာက ပိုကောင်းမယ်လို့ ကျွန်တော်ကတော့ ယုံကြည်မိပါတယ်။
Read more...
Subscribe to this RSS feed

Follow us

Log in or create an account